— 14 —
„Meaublanc batja boekoe. Akoe mendengeri . . . . . Koetika ia soeda berlaloe, dan akoe tinggal sendirian dalem kamarkoe, akoe dapet meliat dengen njata, dari tempat remĕng-remĕng, kaloear satoe manoesia dari laen doenia, sebab roepa dan gerak-gerakannja ada loewar biasa sekali. Akoe djadi sanget katakoetan, dan maoe bertreak, tapi tida bisa . . . Dalem samantara itoe adalah sabagi tenggorokankoe ditjekek oleh tangan jang keras sabagi besi . . . Achir-achir djelemah itoe dateng samingkin dekat, dan berdiri di hadepan akoe poenja pembaringan. Apa ia adasatoe laki-laki atawa prampoean, itoe akoe tida bisa bilang dengen terang. Akoe tjoema meliat sadja doewa matanja jang berkilat-kilat seperti api, tapi roepanja adalah sabagi mata manoesia . . . . .
„Kamoedian djelemah itoe mengangkat tangannja, jang moengil dan poeti sekali, njata kaliatan dalem gelap goelita. Moekanja ia tjenderongken padakoe . . . Itoe waktoe akoe rasaken sa’antero badan mendjadi kakoeh seperti mait . . . akoe sabagi mati, tapi masi bisa mendenger, mendenger, dan djoega meliat.
„Djelemah itoe bongkoki badannja, sa-
