— 114 —
poenja pikiran sedikit legah, jaitoe : kitaorang sekarang djarang sekali bertemoe moeka satoe sama laen, dan djoega roepanja sabagi permeisoeri tida maoe ambil perdoeli lagi akoe poenja perkara di loearan."
„Itoelah boleh dibilang ada satoe ka'adahan jang broentoeng sekali bagi kaoe!"
„Broentoeng, ja, dalem ini perkara, dan jang paling tjilaka, kaoe bisa liat sendiri: akoe sanantiasa misti bergerak dengen hati-hati sekali. Begitoelah memang adatnja doenia: satoe kasenangan misti dibelih dengen banjak kasoesahan. Aken tetapi biarlah kitaorang djangan ambil perdoeli lagi ini perkara ! Apabilah sabentar kita orang sampe di itoe villa, dengen sigra kita nanti minoem satoe gelas anggoer atas kaselamatannja Clémence, dan dengen begitoe kitaorang tida nanti mendjadi koerang senang, lantaran adanja ini hal jang koerang enak. Lagi, pada saban hari, akoe soeda berlakoe begitoe himat, dan saban-saban minoem sadja satoe gelas aer, hingga boleh djadi satoe gelas anggoer nanti membri rasa enak sekali."
Prins van Saksen-Coburg mendengeri sadja mertoewanja poenja bitjara, dan sabentar-bentar mendjadi tertawa pada saban
