— 110 —
kali ia pernah dapet liat satoe kandaran liwat di ini djalanan.”
Samantara itoe si prampoean toewa soeda dateng dekat pada itoe doewa politie resia.[1]
„Tjoba tjeritaken padakoe, njonja,” kata baginda, „apatah kaoe pernah liat kandaran ini atawa itoe liwat di ini djalanan?”
„Di ini djalanan tida,” saoet itoe prampoean toewa, „tapi di tempat permandian akoe ada dapet liat satoe kandaran lagi brenti menoenggoe.”
„O, ja, memang orang bakal samperi kita di sini, tapi, apatah barangkali ia loepah?” kata baginda boeat bikin orang tida tjoeriga. Sasa’at kamoedian ia berkata poelah: „Dan apatah kaoe taoe djoega, siapa poenja itoe roemah gedong, jang pernahnja tida sabrapa djaoe dari sini?”
Itoe prampoean toewa meliati baginda samantara waktoe dengen mata besar sa-
- ↑ Pembatja, baginda sama mantoenja itoe waktoe maoe djadi politie resia, boeat mengoesoet orang poenja tindakan. Tapi sabagimana politie resia biasa poenja kerdjahan ada boeat tjari taoe pendjahat poenja klakoean, sabaliknja baginda goenaken itoe ilmoe, aken dapet kanjatahan, apa orang masi tertoetoep matanja atas ia sendiri poenja perboeatan. Letterzetter.
