— 111 —
bagi orang hendak menanja, kamoedian laloe mendjawab:
„Itoe roemah gedong? Akoe denger ada kapoenjahannja satoe soedagar Prasman, jang sanantiasa berpegian ka sana-sini, hingga itoe roemah malaenkan ditinggali oleh istrinja, satoe njonja moeda."
Baginda bermesem, dan melirik pada Prins van Saksen-Coburg sabagi orang hendak berkata: „Liat, sobat, begitoe rapi akoe soeda mengatoer, hingga moestahil orang nanti bisa mendapet taoe ini resia." Dan pada itoe prampoean toewa ia sigra berkata poelah:
„Trima kasi, njonja!"
Satelah itoe baginda bersama mantoenja laloe berdjalan lebi djaoe.
Di itoe masa angin menioep teramat santer, hingga tjabang-tjabang poehoen berojak-ojak sabagi maoe kasi selamat dateng pada itoe doewa tetamoe agoeng. Matahari soeda samingkin silam ka barat, dan lantaran itoe adalah membikin iaorang djadi terlebi asik bitjara satoe sama laen.
Berdjalan tida sabrapa djaoe lagi, laloe marika sampe di soeatoe tempat jang terboeka dan loewas. Pada fihak kiri, di blakang satoe gombolan papoehoenan, ada
