— 106 —
„Itoe samoea klakoean, boekan sekali ia dapet pengadjaran dari akoe,” kata baginda dengen mengeiah napas pandjang.
„Itoe akoe taoe. Tapi akoe tjeritaken ini, adalah dengen niat niaoe menanja padamoe: Bagimana akoe misti berboeat? Kerna akoe tida sekali ingin, jang persobatan antara kita mendjadi renggang lantaran ini hal.”
Baginda berdiam sabentaran, kamoedian laloe berkata dengen soeara tetap:
„Louise soeda bernikah, dari itoe tentoe ia misti nienoeroet pada soeaminja poenja pengatoeran. Ini djoega akoe soeda kata padanja, tatkalah dengen sakoenjoeng koenjoeng ia mengadep pada kitaorang. Tapi koetika itoe akoe lantas djadi satori sama i boen ja, dan permeisoeri soeda djadi begitoe mara, hingga ia tida maoe mendenger lagi kaoe poenja nama, serta briken kaoe satoe alias, pemboenoe dari poetrinja.”
„Soenggoe kaoe membikin akoe poenja hati djadi sedikit lebi senang, dengen adakcn itoe lantaran, aken akoe traoesa bertemoe moeka lagi pada permeisoeri. Dan djoega akoe misti membilang banjak trima kasi padamoe, jang kaoe soeda begitoe baek
