— 103 —
ada sampe tjerdik, aken dengen sakedjap bisa dapet liat njata, jang sasoenggoenja memang kitaorang misti ambil ini djalanan, aken sampe pada niat kita. Dari itoe boleh sekali rahajat Belgie berharep, ini perkara nanti membawa kaoentoengan.”
Gantier poenja doegahan tida sedikit salah. Koetika ia poelang ka roemah, soeratnja baginda soeda menoenggoeken padanja, dimana ada tertoelis, jang baginda ingin bitjaraken itoe hal lagi sakali.
Poetoesannja itoe perdamian, jalah Gantier misti brangkiit salekas-lekasnja ka kota Berlijn.
_________
Pada achwal tahon 1883, satoe tempat permandian jang pernahnja di tepi laoet Ostende, ada trima kadatengannja doewa tetamoe agoeng. Satoe antaranja, bilah diliat sadja dari djenggotnja poenja roman jang begitoe loear biasa, nistjaja orang nanti kenali, ia ada baginda dari karadjahan Belgie. Jang laen djoega boekan orang jang baroe dikenal, hannja ada baginda poenja mantoe sendiri, Prins van Saksen-Coburg.
Permandian itoe ada terlelak di soeatoe
