— 7 —
membikin iboenja djadi terlebi tjinta padanja.
Djoega dalem katjerdikan, poetra ketjil itoe boleh sekali dibandingken dengen orang toewanja. Goeroe-goeroe jang membri peladjaran, sanantiasa ada oeroeki ia dengen berbagi-bagi poedjian, hingga barangkali djoega nanti terdjadi dengen sasoenggoenja, poetra makota itoe ada mendjadi besar goena bahagianja ia poenja rahajat, dan mendjadi satoe antara radja-radja jang paling bidjaksana dalem temponja hidoep.
Permeisoeri dari karadjahan Belgie, sanantiasa ada mengimpi dalem perkara jang sedep sekali boeat anaknja, hingga ampir boleh dibilang, poetra makota itoe nanti mendjadi broentoeng sekali, begitoe broentoeng seperti satoe antara radja-radja jang paling broentoeng dalem hidoepnja di doenia.
Aken tetapi, baroe sadja mendjadi poetra makota, baroe ia sendiri ada itoe harga aken dipanggil orang, permeisoeri dari karadjahan Belgie, dengen tida ternjana sekali, itoe goenoeng pengharepan lantas tertoetoep dengen mega itam, dan tanahnja sabentar-bentar goegoer ka moeka boemi.
