— 55 —
baek tetepken perdamian, soepaja kaslamatan dalem negri djadi tetep."
Ini Keizer jang tida mempoenjai pikiran tetep dan saban kali denger omongan, lantes maoe toeroet dan perijaja, satelah denger perkatahannja Lie Pang-gian, pikirannja djadi kaloet dan dengen tida ditimbang lebi djaoe, laloe prenta Thio Peng-tjiang pergi ka pasanggrahan moesoe boeat tetepken perdamian, dengen serahken Kong Ong sabagi barang tanggoengan.
Thio Pang-tjiang berdoea Kong Ong lantas berangkat ka loear kota, dimana marika laloe naek kandaran aer aken poeterin tembok kota Fiankeng di waktoe malem, jang tida lama ka- moedian baroe sampe di bentengnja orang Kim.
Kadatengannja ini di trima oleh Kian Lie-poet Pan panggil doea orang itoe mengadep, jang sasoedanja berdoedoek, panglima Kim itoe berkata:
„Boekantah perdamian soeda ditetepken, mengapatah masi maoe digoenaken balatenta?“
Thio Pang-tjiang dengen amat tida taoe maloe laloe koetjoerken aer mata, ia laloe tjeritaken, bahoewa itoe ada atas kahendaknja Lie Kong berdoea Tiauw Peng-tiong, sekali-kali boekan kainginannja Tiauwteng.
Sedeng Thio Pang tjiang ada berlakoe begitoe renda, sabaliknja Kong Ong sedikit poen
