— 56 —
tida beroba aer mcekanja, maka Kian Lie-poet jang meliat begitoe, sanget taro indah.
Di sini haroes djoega diterangken, bahoewa
Lie Pang-gian itoe ada satoe dorna, jang maski
diri ada berhamba pada Keizer Songtiauw, tapi
pakerdjahan jang dilakoeken ada boeat kaoentoengannja orang Kim.
Dalem ini perkara, tentoe sadja si dorna itoe ada mendapet kaoentoengan dari fihak moesoe. Maka pada soeatoe hari kombali ia mengadep pada baginda, boeat minta dipetjat Lie Kong poenja djabatan.
Keizer Song Kim-tjong jang memang tida berpikiran terang, dengen zonder tjari taoe apa sebabnja, lantas sadja menoeroet dan begitoelah, sasoeda trima adviesnja itoe minister, a kajoearken firman boeat lepas pada Lie Kong jang tida bersala.
Anak negri jang denger Lie Kong poenja kalepasan, semoea mendjadi goesar, teroetama Tan Tong, saorang pande jang doeloean telah mengadep pada baginda.
Sastrawan ini tida bisa tinggal diam perboeatan jang begitoe roepa, sigra djoega ia toelis satoe soerat jang dipertandaken tangan oleh seantero
