— 54 —
dan kamoedian bersama-sama Lie Kong berdjalan kaloear dan membri taoe pada Tiauw Peng-tiong, jang ini panglima telah diangkat djadi Tothongtjie.
Sigra djoega itoe tiga panglima laloe atoer apa jang perloe, menoeroet masing-masing poenja kawadjiban.
Baroe sadja ini panglima-panglima beres atoer, kaperloeannja, Tjaysiang Lie Pang-gian laloe mengadep pada baginda Keizer dan berkata:
„Hamba, maoe kasi taoe pada toeankoe satoe oeroesan jang teramat penting, harep soeka di perhatiken.“
„Keng boleh tjerita, kami ada sadia boeat mendengeri,“ saoet baginda
Ini minister kaparat laloe menjataken pikirannja jang pergetjoet dan boetek, jaitoe: bahoewa Tjiong Soe-touw maski betoel doeloe gaga perkasa, tapi sekarang soeda terlaloe toea dan berpenjakitan, hingga soeker boeat diandeli Djadi keadahannja itoe panglima besar ada saoepama apinja lilin di kerasnja angin kentjang, hingga satoe kamenangan soeker diharep.
„Kaloe satoe kali dapet kakalahan, toeankoe maoe tjari pithoe sadja brangkali soesa dapet, mana bisa adaken Samtien dan mas perak,“ kata poela mantri besar ini lebi djaoe: „lantaran itoe, maka menoeroet hamba poenja pikiran, ada lebi
