Halaman ini tervalidasi
— 37 —
Sahabisnja kata begitoe Keizer laloe kaloearken firman, prenta pengadilan Kay-hong-hoe-ie oeroes perkaranja itoe kawanan dorna, boeat diboewang ka tempat djaoe.
Tan Tong dengen bebrapa kawannja laloe mengoetjap banjak trima kasi, kamoedian moendoer.
Baginda bersama pengiringnja laloe balik kombali ka astana. Baginda poenja bini-bini moeda, pada balik ka masing-masing poenja astana, sedeng soldadoe mendjaga itoe kota sakeras-kerasnja dengen soenggoe hati.
