— 38 —
II
Sasoeda dipreksa terang salanja,
toedjoe dorna diboewang
ka tempat djaoe.
Pengadilan Kay-hong-hoe-ie satelah trima frimannja Keizer, laloe prenta orang tangkep itoe toedjoe dorna beserta sakalian koelawarganja, jang tida lama lantas dibawa dateng dengen tangan terbelenggoe.
Hakim dari ini pengadilan tinggi ada bernama Liap Djiang, saorang djoedjoer dan satia, hatinja poen keras, boekan ada orang dari kawanan dorna. Rahajat jang denger itoe kabar, djadi amat girang.
Waktoe persakitan-persakitan itoe dibawa mengadep, Liap Djiang laloe preksa satoe persatoe dengen teliti. Kerna Tjoa Keng dan Tong Koan, begitoe poen jang laen-laen, merasa dirinja ada besar dan tida maoe toendoek di bawah kabesarannja Liap Djiang, ini hakim soeda djadi goesar dan laloe goenaken kakerasan jang achirnja djadi toendoek djoega.
