— 358 —
satoe Todjin sakti, jang sekarang ada mambri peladjaran pada pembesar di ini kota. Lebi djaoe itoe orang tjeritaken bagimana Liang-sih ada boeat goeroe dan hormati seperti datoek.
Mendenger ini katerangan, esoknja Oan Swie lantas pergi ka roemanja Kwe Keng boeat beladjar kenal dan minta djoega diadjarin itoe ilmoe-ilmoe, seperti ilmoe kantongin langit, goeloeng boemi seperti tiker, dan laen-laen poela ilmoe gaib, jang sabetoelnja Kwe Keng oetjapken itoe sakedar boeat omong gede sadja. Kerna ilmoe begitoe ia tida ada poenja.
Tapi Oan Swie jang bermoela kira bener Hoe Todjin ada begitoe sakti, lantas koendjoengi, dan waktoe ditanja, ia poen lantas tjeritaken satoe persatoe riwajatnja atawa peladjarannja.
Kwe Keng jang denger begitoe djadi mendongkol, kerna anggap Oan Swie tentoe maoe meninggiken diri boeat djatoken merknja. Djoega ia anggap apa jang Oan Swie kata, tida lebi dari omong kosong boeat medajaken Lie Liang-sih.
,,Ha, ini orang tentoe maoe reboet akoe poenja kasenangan, maka di hadepannja akoe poenja moerid ia kaloearken omongan gede-gede," begitoelah kata Kwe Keng dalem hati: ,,orang jang begini baek akoe hantem kapalanja dengen satoe-doea ilmoe, soepaja Liang-sih bisa liat dan tida djadi angkat dirinja mendjadi goeroe."
Sasoedanja tetep pikir begitoe, lantas Kwe Keng
