— 357 —
telah pertoendjoeken ia poenja hikmad papan Lengpay, dan laen harinja ia kaloearken itoe batoe moestika, hingga Liang-sih djadi samingkin-mingkin pertjaja atas goeroenja itoe poenja kasaktian.
Roepanja ada mendjadi adat jang loemrah bagi orang-orang jang sombong dan tjongkak, kaloe diri ada terpandang, kalakoeannja poen djadi samingkin tinggi. Omongan-omongan kosong jang maksoednja boeat mengakalin poen telah kaloear, tapi orang jang diakalin sekali-kali tida taoe.
Demikianlah dalem sedikit waktoe, pendoedoek di itoe kota lantas dapet taoe, jang Kwe Keng Todjin ada saorang pertapahan jang berilmoe tinggi, hingga banjak orang lantas pada dateng boeat bergoeroe, dan ada djoega jang tjoema minta dibikini soerai djimat boeat mengoesir setan atawa penjakit.
Tapi pada soeatoe hari, Oan Swie alias Hoesl Moöng, jang djoega ada saorang pertapahan sakti dan itoe waktoe sampe di kota terseboet, lantas mampir di roema makan boeat bermalem. Tapi sabelonnja tidoer ia denger orang lagi tjerita tentang kasaktiannja Kwe Keng, dan itoe orang-orang lagi omongin boeat pergi bergoeroe.
Oan Swie jang pendiam dan sabar, maski sendiri ada mempoenjai kapande, tapi tida tjongkak, lantas menanja: siapa adanja Kwe Keng itoe.
Itoe orang-orang jang lagi bitjara lantas kasi taoe bahoewa orang jang lagi diomongin itoe ada
