— 359 —
,,Di hadepan Tjoenkhwa kaoe tida boleh omong maen-maen! Apa dengen mengagoengken begitoe, kaoe niat pedajain orang-orang di ini kota ?"
„Pintjeng bitjara dengen sabenernja," saoet Oan Swie: sekali-kali Pintjeng tida niat boeat membodoken orang."
Ini penjaoetan membikin Kwe Keng djadi lebi mara, maka ia laloe tangtangi boeat Oan Swie kaloearken itoe ilmoe dan adoe kasaktian padanja.
Oan Swie sabenernja tida ada niatan boeat bertaroeng. Tapi lantaran denger itoe tantangan dan kaloe tida ditrima, Lie Liang-sih dan jang laen-laen nanti anggap ia maoe menipoe, maka terpaksa ia trima djoega itoe tawaran.
,,Kaloe begitoe, baek, tapi kaoe moesti mengarti!" kata poela Kwe Keng dengen amat goesar: ,,bahoewa siapa-siapa jang kala, ia moesti trima hoekoeman dari Tjoenkhwa di sini, kaoe mengarti ?"
,,Sabetoelnja Pintjeng tida ada niatan boeat kaloearken kasaktian apa djoega," saoet Oan Swie dengen merenda: ,,datengkoe ka mari poen sabenernja ada boeat mempeladjarken itoe ilmoe-ilmoe gaib dari Siantiang. Tapi kaloe begitoe sanget Siantiang memaksa dan menantang, terpaksa Pintjeng toeroet djoega."
Demikianlah satoe perdjandjian laloe ditetepken dan doea panggoeng lantas didiriken di itoe lapangan, sabagimana pembatja telah liat di sebla atas.
