— 354 —
Kwe Keng lantas mengoembara ka koeliling tempat boeat tjari pengidoepan. Itoe bebrapa kapandean dan kasaktian jang terdapet dari goeroenja, ia rasa soeda terlaloe tinggi, apapoela ada mempoenjai papan Lengpay dan batoe moestika jang tadi ia kaloearken dalem waktoe mengadoe ilmoe, maka laganja djadi terlaloe sombong.
Pada bebrapa tempat Kwe Keng telah pergiken, di sana sini ia oendjoek kapandeannja. Tapi belon djoega katemoe orang jang maoe poedja-poedja dan hormati sabagi goeroe, hingga ia merasa koerang senang kaloe tjoema dapet sadja makan minoem dengen zonder kahormatan.
Dari itoe tempat-tempat jang doeloe dikoendjoegi, ia lantas tinggal dan djalan lagi mengoembara lebi djaoe, sampe achirnja ia sampe ka ini kota.
Lie Liang-sih, pembesar dari ini kota ada saorang jang soeka peladjari ilmoe-ilmoe kasaktian dan soedjoet betoel pada orang-orang pertapahan. Maka satelah denger itoe kabar, Kwe Keng lantas dateng dengen mengakoe diri ada djadi ,,Todjin".
Liang- sih jang memang lagi kapingin dapet itoe peladjaran, satelah denger Kwe Keng kata begitoe, laloe oendang ini orang sakti ka roemanja dan tanjaken hal ilmoe-ilmoe, jang laloe didjawab oleh Kwe Keng pandjang lebar. Lebi djaoe Kwe Keng ini pikir, kaloe ia bisa diangkat djadi goeroe oleh pembesar negri, tentoelah dirinja boleh djadi senang, salaennja makan dan pake, ra-
