— 353 —
sama-sama itoe Thiansin lantas terlinjap. Tapi Kwe Keng masi tinggal menggeletak di tana.
Orang banjak lantas memoedji pada Oan Swie, jang itoe waktoe masi berdiri di atas panggoengnja sambil bersenjoem-senjoem.
Demikianlah adanja pertandingan dari itoe doea orang Sakti, jang berachir kekalahan di fihaknja Kwe Keng Todjin.
Satenga djam kamoedian semoea penonton pada boebar, katjoeali Tjoa leng dan itoe pembasar kota jang masiberads di sitoce.
ltoe pambesar ada bernama Lie Liang-sih, jang satelah meliat goeroenja dikalaken, ia laloe prenta itoe ampat orang jang berpake-pakean seperti pengikoetnja Kwe Keng dan masi berdiri di atas panggoeng, lekas toeroen dan bawa itoe Todjin jang pangsan ka roema tempat di mana Kwe Keng tinggal.
Sabelonnja madjoe lebi djaoe, baeklah kita moendoer sedikit dalem tjerita dan toetoenken sebab-sebabnja jang mendjadi ini pertandingan mengadoe ilmoe, kerna hal itoe ada perloe dikatahoei oleh pembatja.
Hal itoe ringkesnja ada begini:
Kwe Keng betoel ada moeridnja Koksoe Liem Leng-sok, tapi itoe moerid jang salamanja soeka membawa tingka tjongkak dan soeka agoengken kapandean sendiri, tida beroentoeng dapet pakerdjahan pada negri.
Oleh kerna tida bisa mendjabat pangkat, maka
