— 352 —
,,maka Sidji dateng kamari boeat anterin ini tiga boea tho aken goena Siantiang mengilangi aoes."
Itoe waktoe Kwe Keng soeda djadi bingoeng dan tidak inget lagi jang boea itoe ada terpetik dari poehoen jang satroenja tanem. Ia seperti merasa jang itoe peri membawakan boea, kerna mendapet hadia dari kasaktian-kasaktian jang telah dikaloearken. Maka dengen tidak berpikir lebi djaoe, ia bertindak menghamperi dan oeloer tangan boeat djoempoet itoe boea jang ada di atas nenampan.
Tapi sabelonnja boea itoe diambil, koenjoeng-koenjoeng di depan sitoe kaliatan satoe Thiansin jang bertoeboe tinggi besar, moekanja begis dan moeloet bertjaling, memake Tjiankah, kopla Siekhwatkoan dan Koennja dari koelit matjan, berdiri di sitoe dengen mata melotot seperti orang jang goesar, hingga Kwe Keng djadi amat katakoetan.
Waktoc itoe Thiansin berlompat dari oedara dengen katjepetan jang seperti kilap dan ampir tida kaliatan oleh sagala orang, itoe peri soeda linjap tida kataoean lagi. Kwe Keng jang lantaran amat goegoep dan bingoeng, soeda lantas maoe lari. Tapi baroe sadja ia berlangka doea tindak, itoe Thiansin djambak pakeannja dan batingken ka tana, hingga ia pangsan di sakoetika itoe djoega.
Itoe waktoe djoega poehoen tho terseboet ber-
