— 97 —
„Kanapa loe maoe begitoe bodoh, orang jang enak-enakan misti loe jang djadi kaberatan ? Mistinja dia toh jang toeroenin bininja poenja barang-barang; kaloe ia takoet, soeroe ia jang pakeh oewang di loearan dan biar dia jang bajar boengahnja dari kantong sendiri.“
„Hala maoe apa kabanjakan tjerewet begitoe, boeat segala perkara ketjil? Biar kita poenja barang-barang djoega jang ditaroh gade, dalem satoe boelan owee brani tanggoeng nanti soeda bisa diteboes, sebab itoe waktoe kita soeda bisa dapet laen-laen oewang.“
„Kasi begitoe djoega maoe kanapahan ? Bagoes betoel, dia jang enak-enakan makan nangkanja loe jang misti kenah getanja. Kaloe goea poenja liatan, itoe si Kek-soen sama si Kek-hoaij engga boleh ditjampoer lebi lama lagi. Salah-salah dia jang maen gila-gilahan, loe jang nanti mendapet soesa. Bikin oetang apa samoea loe poenja nama, habis dia pakeh oewang engga bisa kenal watas. Segala maen itoe toh segala perkara jang engga misti; masa bisa kalah sampe sabelas riboe ? Goea kira, engga sama loe petja sadja serohan sama dia berdoewa.“
„Engga baek begitoe, 'na, orang nanti katain owee engga inget orang poenja boedi, sebab kita bisa hidoep seperti sekarang itoe samoea ada dia berdoewa jang poenja lantaran.“
Pembalesan Kedji
7.
