— 98 —
„Ija, kaloe dia betoel-betoel, memang djoega engga baek kita bikin begitoe, tapi ini dia poenja tingka-lakoe nanti boleh bikin loe djadi tjilaka. Saban tahon di'itoengnja ada oentoeng, tapi djangan kata pegang, liat goea belon taoe. Dari bermoelah dia berdoewa tjoema taroh oewang lima belas riboe ta brapa, tapi kaloe maoe di'itoeng ia poenja pakeh oewang soeda lebi dari sagitoe. Boleh dibilang loe sendiri sadja poenja kringet jang piara dia berdoewa poenja roemah tangga. Tjoba kasi dia itoe oewang lima belas riboe, sampe sekarang tentoe soeda kaga katinggalan sapeser.“
Hoaij-wan tinggal berdiam sadja mendengeri iboenja poenja bitjara.
Tida sabrapa lama lagi orang toewa itoe soeda habis bersantap. la tjoetji tangan, kamoedian pindah ka laen krosi, doedoek menampin, dan sembari menoemboek siri ia berkata poelah :
„Goea kira lebi baek loe petja serohan, Hoaij-wan. Loe misti inget, loe ada poenja anak. Bagimana nanti djadinja kaloe loe satoe hari satoe malem engga ada oemoer? Ja, harepin si loe bisa toenggoe anak-anak sampe djadi orang dan bisa toenggoe sampe goea djalan lebi doeloe, tapi kaloe kadjadian loe engga ada oemoer, bagimana nanti djadinja sama loe poenja anak-anak ?“
„Ah, 'na salah. Ini waktoe boekan kita jang misti katakoetan, tapi dia jang misti djaga owee poenja
