— 205 —
loe maoe soeroe piaraan loe pergi kongkohin, pen-deknja si goea brani tanggoeng tentoe nanti bisa dapet orang tadi dia soeda mesem-mesem tempo goea gapein sama satangan."
„Lebi baek loe pikir-pikir doeloe, Koei-tjoan, djangan sampe di blakang kali loe bikin orang djadi kepiran."
„Loe boleh liat, Boen-san, kaloe sampe di bla-kang kali goea bikin dia djadi siasia, pendeknja loe boleh ambilin golok belah goea poenja kapala."
„Sabenarnja goea engga abis mengarti, Koei-tjoan; kaloe betoel loe begitoe soeka sama si Bok-hiang, kanapa loe takoet soeroe loe poenja nona lamar sama dia? Biar loe poenja nona engga maoe, pendeknnja kaloe loe maoe djoega, abis boleh kanapa? Loe boleh bilang sadja jang loe engga maoe dikawinin sama laen orang; loe poenja nona tentoe engga bisa kata apa."
„Dari tadi goea soeda bilang: itoe ada perkara jang engga boleh djadi."
„Eh, eh, kanapa engga boleh djadi? Kaloe loe jang minta, oewa Boen-hoei tentoe nanti kasi."
„Begitoenja si betoel, tapi goea poenja enko masi ada brapa banjak jang belon kawin. Laen dari begitoe si Bok-hiang, menoeroet loe poenja kata, ada lebi toewa satoe tahon dari goea; nona goea jang memang ada paling tjerewet perkara begitoean tentoe engga maoe."
