— 204 —
„Boekannja apa, Koei-tjoan: goea kasian kaloe loe tjoema maoe boeat maen gila sadja begitoe."
„Biar mati, Boen-san, goea engga nanti tinggal satengah djalan sama dia!"
„Bagimana boleh kata engga tinggal satengah djalan; habis kaloe loe dikawinin sama loe poenja nona?"
„Biar goea soeda dikawinin djoega goea soempa jang goea engga nanti boewang satengah djalan sama dia. Siapa jang bisa larang kaloe goea maoe piara teroes? Apa orang engga boleh ada poenja bini doewa?"
„Tapi mahnja tentoe engga maoe kasi kaloe loe maoe boeat bini moeda dia poenja anak. Biar dia miskin djoega dia ada orang baek-baek."
„Makanja djoega goea engga ada ingetan boeat minta dengen teroes-terang sama mahnja. Apa loe engga denger: tadi goea soeda soempa-soempain biar dia lekas mati, soepaja goea lekas-lekas bisa dapetin anaknja."
„Djadi pendeknja loe maoe bawa lari sama dia?"
„Boekan habis bawa lari goea lantas tinggal dia satengah djalan, tapi goea nanti piara teroes."
„Habis kaloe loe soeda dikawinin dan loe poenja bini soeroe lepas, tentoe loe nanti toeroet sadja bini loe poenja moeloet."
„Engga, biar bagimana djoega goea engga nanti siasia sama dia. Bolehlah loe toeloengin, kaloe
