— 206 —
„Habis pendeknja bagimana loe poenja maoe, goea soa djadi kapingin taoe lagi! Si Bok-hiang djoega kaloe dia taoe loe tjoema maoe boeat piara-piaraan sadja sama dia tentoe djoega dia tida nanti kapingin sama loe."
„Boleh djadi, tapi loe toh misti soeroe loe poe-nja piaraan kongkohin biar bagoes. Kaloe goea soeda bisa saksak-soeksoek sama dia berdoewa-doewa, itoe pendeknja ada goea poenja perkara sendiri."
„Apa soenggoe-soenggoe loe boleh djadi mati kaloe engga dapetin si Bok-hiang? — ini betoel-betoel goea djadi kapingin taoe."
Koei-tjoan djadi tertawa mendenger Boen-san poenja bitjara, tapi sigra djoega ia berkata:
„Soedalah djangan loe engga laen goda sama goea; pendeknja boleh da loe toeloengin boeat ini sakali poekoel, kaloe betoel loae ada goea poenja teman baek. Loe boleh pertjaja, Boen-san, sampe kapan djoega goea engga nanti loepa loe poenja kabaekan!"
„Habis kaloe goea soeda soeroe goea poenja piaraan pergi kongkohin, habis kenah si Bok-hiang maki-maki sama dia, habis djadi loe maoe katain goea engga baek?"
„Kaloe loe maoe sadja soeroe piaraan loe pergi kongkohin, goea brani tanggoeang engga boleh djadi si Bok-hiang nanti tampik; orang tadi dia soeda