74
kuloe soedah tjingtjang, dia poenja koelit misti djangan loepa boeang; kaloe soedah ambil peterselie, dan tjingtjang haloes, abis taroh sedikit soering: dia poenja boemboe lada, pala, garam dan telor barang doea bidji, tjoema merahnja sadja, dan tjampoer sama itoe ikan; toelangnja kasih kaloear: dan sekarang bikin dia poenja koeah ketjap, djeroek tipis, mantega dan kaldoes kaloe soedah taroh itoe ikan, dan lantas stoof sampe matang.
Lain roepa.
Ambil itoe ikan, tjoetji bresih, kasih kaloear proetnja, soedah bresih, kasih kaloear dia poenja isi, bikin bresih itoe koelitnja djangan sampe pitjas boemboenja tjengke, pala, lada, garam, singgan sampe, toemboek biar haloes, kaloe soedah haloes adoek sama itoe daging ikan sama satoe atau doea telor ajam, lantas masokin di mana itoe koelit ikan, taroh satoe tatjoe sama minjak klapa atau mantega, goreng itoe ikan sampe matang, kaloe soedah matang bikin sausnja ketjap, djeroek asam, lada haloes, mantega, masak sampe mendidih, kaloe soedah mendidih masokin itoe ikan jang soedah di goreng, sampe matang angkat.
Ikan Tijintjoan.
Ambil ikan jang gemok, kasih kaloear isi
