30
di mana itoe koelit ikan brapa jang ada maoe panggang atau goreng sama djoega, bikin sausnja ketjap, lada, mantega, aijer djeroek, asam barang satoe; kaloe itoe ikan di panggang boeat poekoel di atas panggangan sama itoe ikan, balik-balik sampe matang, kaloe di goreng soedah matang itoe ikan, siram itoe sausnja lantas angkat,
Sesaté Ikan Komboeng atau Bandang.
Bikin bresih dahoeloe itoe ikan komboeng atau ikan bandang, dan abis giling itoe ikan, bikin dia poenja boemboe-boemboe katoembar, djinten, lada goreng, tjabe, bawang poeti, bawang merah, djae, kentjoer, daon djeroek poeroet, kemiri jang soedah di bakar, klapa bakar dan langkowas, abis giling haloes: lebih dahoeloe dari taroh dia poenja seré, lebih baik toemis dahoeloe: kaloe soedah toemis baroe tsroh seré kaloe itoe boemboe soedah matang taroh trasis dan baroe taroh ikannja, taroh aijer santan- dan goela djawa, kaloe soedah kring angkat, dan lantas kasih masok dalam itoe ikan poenja proets dan lantas panggang, kaloe soeduh panggang sama dia poekoel aijer santan, sampe kaliatan koening.
Sesaté Babi atau Sampi.
Ambil tiga kati daging sampi atau babi, akan bikin sesaté tjoetji bresih sekali itoe
