18
da, samoeanja tjingtjang haloes-haloes, taroh lada, garam, dan djeroek tipis, abis bikin frekedel ketjil-ketjil, goreng sama gemok ajam, kaloe trada gemok, sama mantega djoega boleh; masak sajoernja sama itoe aijer (koeah) ajam; dan lagi ini misti pake sajoer kool, lobak, boontjes, pollong moeda, reboeng, dan daon bawang, abis pottong-pottong satoe djari pandjangnja, iris-iris bawang merah satoe piring banjaknja, taroh pala, tjengke kembang pala, lada, garam, ketjap, djeroek tipis, dan tjampoer sama sekali samoeanja, kaloe itoe ajam soedah matang, taroh samoea itoe sajoernja sama sekali, dan lantas masak lagi sekali baik-baik.
Lain roepa.
Ambil ajam biang jang gemok pottong ketjil-ketjil, masak di kwali, kapan ajam moelain matang ambil reboeng, bottor, boontjes, aspersis, kool, lobak, kolomong, abrikozen, miebus, daon bawang merah, bawang poenja pohon, itoe sajoer samoeanja misti pottong ketjil, taroh di dalem itoe kwali ajam, lagi taroh doea glas bier penoeh sekali, satengah glas ketjap lagi sedikit kenari atau amandel, giling haloes taroh di itoe kwali ajam, masak sampe matang, lagi taroh frekedel ketjil, boemboenja djinten, katoembar, lada dan doea telor poenja merah, lagi daon bawang pottong haloes, abis goreng garing dan
