96
ti di tjoetji bresih sekali: kaloe soedah bresih misti taroh dalam satoe tanggok, biar dia poenja aijer boleh toeroen, dan kaloe soedah, rendam sama-sama garam barang satoe malam lamanja.
Ikan Merah.
Itoe ikan merah poenja kapala kasih kaloear, katimoen boeang bidjinja dan iris haloes, abis bawang merah iris tipis, tjabe boeang bidjinja iris haloes sama aijer panas, abis tjari sedikit ketjap, tjoeka, djeroek asam samoeanja adoek sama-sama, itoe ada enak di makan.
Lemper.
Giling haloes dahoeloe itoe katoembar, djinten, lada, bawang, trasi, kentjoer dan garam; kaloe soedah, toemis sama aijer santan tjampoer sama itoe ajam jang soedah di robek-robek.
Besenjék Ajam.
Ambil satoe ajam dan belah doea, abis panggang satengah matang, dan toemboek toelangnja biar djadi antjoer, kaloe soedah, ambil katoembar, djinten, langkowas biar ada lebian, bawang merah, bawang poeti dan koenjit, abis toemboek; kaloe soedah toemboek, giling samoeanja sama sekali; sekarang ambil satoe kwali, taroh minjak, dan masak biar itoe minjak djadi panas, ambil itoe boemboe, dan taroh di itoe
