-83-
Dengen satoe gerakan jang sebat ia raba itoe toeroep po, dan dengen satjara pande ia teken satoe pentolan jang berada di itoe toetoep, kamoedian dengen perlahan ia angkat itoe toetoep, dan ternjata diboeka bidji tjeng liong.... hingga itoe bandar jang memboeka djadi poetjet, boeroe-boeroe meliat pada itoe toetoep, jang oleh Lauw Soe Sam soeda ditaro di atas medja djoedi; tapi, ternjata tida kaliatan bekas diganggoeboekannja itoe pentolan kena diteken dengen tida sengadja: sekarang satoe antara doea, apa itoe perabot djoedi soeda roesak, atawa Lauw Soe Sam poen ada satoe boewaja djoedi!
Itoe waktoe Lauw Soe Sam sengadja gosok-gosok kadoewa tangannja dengen sikap jang sanget girang, sabagimana biasanja satoe pendjoedi jang masi idjo djika beroleh kamenangan. Itoe bandar djoedi saling lirik sama iapoenja kawan; tapi dari sebab itoe peadjoedian dilakoeken dalem hotel, sedang iaorang poenja djoembla tjoema lima orang, djika maoe anglap itoe pasangan jang kena, hal mana tentoe aken menerbitken kariboetan, iaorang koewatir kena ditangkap oleh orang banjak dan politie. Salaennja itoe, iaorang masi merasa sangsi tentang ka'adahan dirinja Law Soe Sam jang itoe waktoe memake satoe nama palsoe apatah ia ada orang dari satoe golongan atawa memangnja satoe kerbo gemoek jang boleh disembele. Bermoela itoe bandar kasi bebrapa tanda resia, tapi Lauw Soe Sam teroes berlaga pilon, dan achirnja ia menanja:
„He, mengapa akoe poenja pasangan jang kena tida dibajar? Apa ini permaenan maoe brenti?“
1toe bandar kasi tanda pada iapoenja sala-satoe kawan soepaja pergi mengasi kabar pada marika
