-82-
iapoenja kamar di hotel, kerna ia merasa males boeat pergi kaloewar. Itoe boewaja lantas menjataken satoedjoe dan ia maoe panggil bebrapa kawan laen boeat menemenin. Begitoelah lantas dateng ampat atawa lima orang laen dengen membawa djoega pekakasnja boeat itoe perdjoedian.
Tatkala perdjoedian dimoelai, dengen sengadja Lauw Soe Sam kasiken lawanja mendjadi bandar doeloe, sebab ia ingin liat bagimana djalanja itoe pèkakas lianpo. Sabagimana biasanja permaenan jang bersifat tjoerang, soeka kasiken kamenangan pada jang pasang, agar bisa dipantjing kabraniannja dan dan achirnja brani taro pasangan besar. Dalem ampat lima kali boekahan, teroes Lauw Soe Sam pasang satoe lobang dan teroes kena, malah pasangnja djadi saming kin besar sadja, hingga bandar poenja modal jang tjoema kira-kira lima ratoes tail perak kena disapoe bresih.
Moeridnja Hwan Tjit Kive dalein ampat lima kali boekahan, soeda taoe bagimana djalannja itoe pekakas djoedi, dan taoe djoega bagimana gerakannja tangannja bandar djika maoe maen tjoerang, hingga ia taoe tjara bagimana ia moesti perlakoean itoe.
Pada waktoe bandar soeda atoer lagi iapoenja bidji. Lauw Soe Sam pasangin iapoenja sa'antero hasil dari kamenangannja-lima ratoes tail perak tapi dengen perdjandjian ia sendiri jang moesti boeka toetoeprja itoe pekakas djoedi. Ini memang di'idjinken boeat orang jang pasang paling besar. Bandar liat itoe bidji aken diboeka pek-houw, tapi Lauw Soe Sam sengadja pasang pada tjeng-liong, hingga iapoenja pasangan bakal dikedoek oleh bandar, Maka Lauw Soe Sam di'idjinken boeat boeka toetoepnja itoe perabot djoedi.
