36
Maka jang di liatnja itoe adalah satoe barang apa-apa jang mengadakan ka-inginan hati, jang mana membintjanakan pada sekalian manoesia, maskipoen itoe jang kras hati adanja.
Satoe anak dara jang roepa bagoes, kaloear dari roema itoe hendak merawatkan poehoen-poehoen kembang jang mana di kira olehnja jang tiada satoe manoesia ada meliat padanja.
Pengliatan jang kabimbangan pada prampoean itoe dari djendela boekan boeat mengitip kapada Tchou, tetapi maski bagitoe adanja itoe Tchou soeda dapat liat anak dara itoe dengan njata sekali-kali.
Maskipoen ada satoe mantri dengan kantjing merah di sitoe, dia tiada nanti laloekan matanja dari pada pengliatan itoe.
Maka orang akan bilang djoega jang itoe anak dara adalah bagoes, karna roepanja seperti gambar diapit dengan poehoen-poehoen kembang.
Alisnja prampoean itoe adalah itam seperti di toelis oleh satoe penjoerat, jang berkeloeng diatas matarja jang besar itoe, Pipinja kaliatan tjahja boenga mawar dan bibirnja jang merah ampir tiada berbeda dengan boengkoel kembang teraté, atas jang mana prampoean itoe mengintip Ramboetnja jang itam itoe ada terbagi dengan doea bela kepang jang tebal, jang mana ada berombak-ombak diatas poedaknja dan menjatakan jang dia itoe masi prawan, sebab di negri Tjina poenja biasa djikaloe prampoean jang soeda beroema sendiri itoe bole berpake kondé.
