67
Baroe sadja naik ka darat, Dantes lantas bertemoe pada satoe matroos, jang doeloe hari ada djadi matroos kapal Pharao di bawah perintah Dantes sendiri.
Dantes hamperi orang itoe dan menanjaken bebrapa perkara; orang itoe sahoeti sekalian pertanjaan, tapi tida sekali ada kalihatan, jang ia kenali Dantes.
Sahabis menanja ini dan itoe, Dantes membri persen pada matroos itoe; tapi baroe sadja ia djalan bebrapa lengkah, uatroos itoe lantas menjoesoel dan berkata padauja:
»Maaf, Toewan! akoe rasa toewan kasalahan; toewan berniat aken membri padakoe doewa frank, tapi soedah kasihken satoe oewang emas."
»Ja, benar sekali, sobat!" sahoet Dantes: »akoe soedah kasalahan; tapi sebab hatimoe jang djoedjoer haroes dapat poedjian, biarlah kaoe trima lagi ini satoe oewang emas, aken kaoe serta teman-temanmoe minoem atas kawarasankoe."
Itoe matroos djadi tertjenggang, hingga ia tiada ingat aken bilang trima kasih kapada Dantes; ia tinggal mengawasi pada Dantes jang berlalee, komoedian ia berkata sendiri-diri:
»Tantoe sekali toewan ini saorang kaja besar jang baroe datang dari Hindia."
Dantes teroesken perdjalanannja dengan beringat pada segala perkara di tempo doeloe.
Tempo ia sampe pada oedjoeng djalanan Noailles
