65
doega, jang kapal itoe ada menoedjoe ka poelo Monte-Cristo.
Pada hari jang kadoewa, di waktoe sore, Dantes sampe ka itoe poelo peuoedjoeännja. Ia tida laboebken djangkar di palaboehan jang biasa, hanja di itoe kali jang tersemboeni.
Poelo itoe ada soenji sekali, dan sadari Dantes berlaloe dari sitoe, belon ada lain orang datang ka itoe poelo.
Satelah naik ka darat, teroes sadja Dantes pergi ka dalam gowa; harta jang terpendam di sitoe, masih tinggal sabagimana adanja pada waktoe ditinggalken.
Sampe pada esok sore, sekalian harta itoe soedah pindah ka dalam kapal dan tersimpan di dalam peti rasia.
Dantes menoenggoe di sitoe delapan hari lamanja; di dalam tempo itoe ia berlajar poetari itoe poelo Monte-Cristo.
Di hari jang kadelapan Dantes dapat lihat satoe kapal ketjil jang mendatangi, dan ia kenali kapalnja Jacopo, la membri satoe tanda, jang lantas djoega disahoeti oleh Jacopo; doewa djam komoedian Jacopo soedah ada di depan Dantes.
Aken doewa pertanjaän jang ditanjaken oleh Dantes, ia bri doewa penjahoetan jang terbitken doekanja hati: Dantes toewa telah meninggal; Mercedes telah mengilang dari desanja.
Dengan beräjer-moeka tedoeh, Dantes dengar
BAGIAN 5.
vel 9.
