64
Orang Inggris jang telah pesan kapal itoe, ada pergi ka Zwitserland, dan nanti trima itoe kapal, pada temponja poelang kombali dari sana; tapi ia tida nanti datang, kaloe tiga dominggoe atawa satoe boelan belon berlaloe, dan dari sebab toekang kapal ada rasa, jang di dalam tempo sabagitoe ia nanti boleh bikin lagi satoe kapal jang lain, maka ia djoewal sadja itoe kapal jang sadia, kapada Dantes.
Itoe toekang kapal maoe tjariin Dantes orang-orang boewat djadi matroos-matroosnja kapal itoe, tapi Dantes bri taoe, jang ia biasa berlajar sen- dirian sadja; laloe ia bri taoe djoega, jang ia maoebiar diadaken satoe peti di dalam boeranda kapal, tapi peti itoe djangan kalihatan, hanja tersemboeni. Pada hari esoknja peti itoe soedah sadia di boe- randa.
Doewa djam komoedian, Dantes berangkat dari pelaboehan Genua, diikoeti oleh matanja banjak orang, jang ingin lihat itoe toewan jang biasa berlajar sendiri-diri.
Dantes gerak-gerakken kapal itoe dengan gampang sekali dan djalanken itoe salakoe orang djalanken saëkor koeda.
Orang banjak awasi kapal itoe, sampe pada waktoe soedah tiada kalihatan lagi. Ada orang jang doega, bahoewa kapal itoe ditoedjoeken ka Corsika, ada djoega jang doega ditoedjoeken kaElba, ka Spanje, ka Afrika; tapi tida saorang
