1044
djoeken jang soenggoe ia, Villefort, procureur karadja-an, ingat soempahnja di itoe pagi.
„Ia,” toewankoe berkatalah Villefort dengan pelahan djangan selempang.
Ach sanget berat ia merasa kepalanja, ia berdjalan moendar mandir aken tjari senang. Ia laloe doedoek di bangkoe jang pake bolsak, tetapi ia tida bisa senang dengar soewara orang riboet di dalem roemah seperti sari-sari, orang boeka toetoep kamar djendella atawa pintoe. Kadengaran soewara lontjengnja njonja Villefort, jang memanggil baboenja, kadengeran soewara anaknja jang bangoen dengan girang.
de Villefort laloe gojang lontjeng, maka dengan sigrah djongos baroe masoek bawa soerat-soerat kabar jang baroe-baroe, bersama-sama satoe mangkok tjoklat.
„Apa angkau bawa boewat akoe? bertanjalah de Villefort.
„Tjoklat satoe mangkok!
„Akoe tida minta tjoklat. Siapa si jang begitoe mendjagai akoe?”
„Njonja. Njonja bilang, jang toewan tentoe misti omong banjak dalem ini perkara, kerna itoe njonja bilang baik toewan minoem barang-barang jang bikin segar dan bikin koewat orang:
Abis itoe boedjang taro itoe mangkok perak jang tersepoeh emas di atas medja, jang penoeh soerat-soerat laloe ia pegi dari sitoe. Villefort memandang itoe mangkok, abis ia angkat teroes di minoemnja sampe abis sama sekali.
Seperti orang jang berharep keras, jang itoe minoeman ada penoeh ratjoen, soepaja lantas ia bole djato djadi mait, dan ia terlepas dari pada mendjalanken kawadjibannja, seperti soempahnja sama toe-
1045
wan Noirtier. Tetapi ia tida djoega mati, itoe tjoklat boekan beratjoen. Maka Villefort bediri dengan mesemnja jang teramat heibat, menakoetin orang.
Koetika waktoe orang makan pagi, toewan de Villefort tida kaloewar makan.
Itoe djongos dateng masoek ka dalem kamar toewannja serta katanja: „Njonja soeroeh kasi taoe sama toewan ini poekoel sebelas, dan poekoel doewa belas nanti toewan soedah misti berhadlir di tempat hakim-hakim bersidang.”
„Abis kenapa?” bertanjalah de Villefort.
Njonja tida berpakejan dan soeda kloear sekarang, njonja soeroeh tanja, apa njonja misti toeroet sama toewan apa tida.”
„Toeroet kemana?”
„Pegi ka gedong bitjara.”
„Boewat apa?”
„Njonja bilang jang njonja tarlaloe amat kepingin bersama-sama liat djalannja ini perkara.
„Begitoe?” berkatalah de Villefort dengan soewara keras, „njonja kepingin liat?”
Djongos itoe mendjadi kaget mendengar soewaranja, toewan de Villefort, ia moendoer satoe tindak abis katanja: „Kaloe toewan maoe brangkat nanti saja kasi taoe sama njonja.”
Villefort berdiam sabentaran, ia garoek moekanja, jang poetjat jang mendjadi terlebi heibat, sebab brewoknja jang itam moeloes.
„Bilang sama njonja,” berkatalah de Villefort, jang akoe maoe beromong sama njonja, akoe minta biar njonja nantiken datengkoe di kamarnja.
„Saja toewan!” Kaloe soedah, lekas angkau balik boewat tjoekoer dan kasi pake sama akoe.
Itoe djongos kaloewar, abis ia dateng kombali, ia
