kanan jang ledzat dengen prabotan medja jang lengkep.
Apa brangkali Tiong Bie adaken poela itoe pesta boeat kasi slamet dateng pada Gwat Nio dan Liong Nio? Inilah tida bisa djadi, maskipoen itoe gadis sendiri brangkali ada mempoenjai pikiran begitoe.
Tempo djam toedjoeh ampir sampe, Tiong Bie prentah ia poenja chauffeur bawa autonja; ka mana itoelah ia tjoema bilang dengen soeara perlahan, hingga laan orang tida dapet denger.
Achirnja sampelah itoe djam jang penting sekali boeat dirinja Sien Nio. Dari autonja Tiong Bie ada toeroen si Hok bersama ia poenja iboe.
Itoe orang moeda sendiri djadi tertjengang waktoe itoe auto dateng samboet padanja di ia poenja roemah. Apa jang mendjadi sebab hingga ia dapetken itoe kahormatan begitoe besar? Boekankah doeloe ia tjoema djadi satoe koeli jang berderadjat paling ren dah dalem tokonja Tiong Bie. Dan sekarang? la disamboet dengen auto atas prentahnja itoe bekas madjikan. Bahoea Tiong Bie poenja anggepan tentang diri nja soeda berobah besar sekali, itoelah ia taoe, tapi jang ia bakal dapet itoe kahormatan, inilah soenggoeh-soenggoeh ia tida pernah impikan.
lboenja Hok poen djadi sedikit kaget waktoe itoe auto dateng, tapi ia sendiri tida merasa terheran-heran seperti ia poenja poetra.
Tempo si Hok iringkan iboenja masoek ka roeangan dalem, Sien Nio menjamboet pada marika.
Itoe orang toawa poera-poera tida taoe, apa jang bakal kedjadian di itoe malam, dan menanja pada itoe gadis:
„Ada pasta apa lagi ini malern, nona? Sampe akoe dan si Hok disamboet dengen auto. Soanggoeh satoe
