GANDJARAN JANG PANTES
73
kaoe poenja anak, dan apa jang sekarang akoe liat, akoe pertjaja djoega ada lantaran kaoe membantoe."
Di hari esoknja, seperti djoega marika ada mendapet doega'an jang di itoe hari marika moesti berada
di roemahnja Sien Nio, Gwat Nio dan Liong Nio dateng boeat berdiam bebrapa hari lamanja. Marika
poenja kedatengan sebetoelnja ada sanget tida terdoega, kerna marika tida mengasi kabar lebih doeloe.
Eentjek Tiong Bie dan istrinja tjoba tanja pada itoe doea gadis, apa brangkali marika poenja kedatengan ada berhoeboeng dengan pertoendangannja Sien Nio, tapi ternjata marika tjoema dateng boeat djalandjalan sadja. Marika sama sekali tida taoe telah terdjadi perobahan besar sekali dalem perhoeboengan antara Sien Nio dan „Si Dogol", hingga marika masi bisa bitjara dangen tjara menghina tentang dirinja itoe orang moada. Djoega marika tida liat, jang Sien Nio poenja paras djadi goerem, seperti orang tida senang waktoe mendenger marika poenja omongan jang tida enak boeat si Hok.
Tempo lontjeng soeda mengoataraken djam lima sore, antjek Tiong Bie prantah toetoep ia poenja toko dan kasi vrij pada penggawe-penggawenja, kerna ia bilang itoe hari ada satoe „hari basar" boeat ia. Sien Nio diprentah boeat berias dan toekar pakean baroe, prentah mana membikin itoe gadis sendiri djadi bengong, kerna ia tida bisa doega apa maksoadnja ia poenja ajah, sadeng iboenja, di waktoe di mintakan katarangan tjoema bilang:
„Toeroat sadja apa jang kaoe poenja ajah kata." Tempo djam anem soeda sampe bebrapa djongos dari satoe hotel besar bawa dateng roepa-roepa ma-
