72
TJERITA ROMAN
poenjai anggepan pasti, bahoea itoe doea orang sama laen, tapi belon mengarti betoel dan belon brani njatakon satoe pada laen. Marika anggep ada baek djikaloe marika „boeka matanja" itoe doea orang moeda dan telaii bermoefakat boeat kasi taoe pada Hok dan Sien Nio janq marika soeda dikasi bertoendangan satoe pada laen, di hari esoknja.
Dengen pengrasa'an jang tertjampoer Hok masoek dalem kamarnja. Apa jang ia aken menampak di hari esoknja. Kagirangan seperti baroesan atawa kamenjeselan.
Sebaliknja dari itoe, iboenja koetjoerken aer mata, aer mata kesedihan tapi djoega aer mata kagirangan. Ia bersoekoer pada Toehan jang maha Koeasa bahoea sekarang Hok soeda dikasi bertoendangan dengen satoe gadis jang ia penoedjoe betoel dan dengen tida sangsi-sangsi lagi tentoe pilih djadi mantoenja, djikaloe ia ada poenja kakoeatan. Sekarang dengen tida oetjapken satoe patah perkata'an ia dapetken itoe gadis sebagi mantoenja. la bergirang, kerna mengarti jang peroentoengannja si Hok sekarang soeda pasti. Itoe anak bakal mendjadi satoe orang jang aken kombaliken nama wanginja ia poenja familie. Tapi berbareng dengen itoe djoega ia djadi inget pada sang soeami jang sekarang soeda berada dalem koeboer dan tida bisa liat kabroentoengan jang bakal didapetken oleh sang poetra.
„Ach, djikaloe kaoe masi ada, lentoelah kaoe djoega aken merasa sanget girang di ini sa'at, dan akoe poenja kagirangan aken djadi berlipet ganda, begitoe itoe njonja toev/a berkata sendirian sambil sesegoekan. „Tapi sekarang kaoe soeda berada di tempat jang tentram. Akoe taoe jang kaoe tjinta pada
