48
TJERITA ROMAN
bih baek."
Njonja Tiong Bie dan Sien Nio menghiboeri itoe orang toewa dan sesoedahnja sampe temponja jang orang-orang jang dateng menengokin moesti berlaloeh poela, Tiong Bie bersama istri dan anaknja brangkat poelang dengen bawa djoega iboenja Hok. Lebih doeloe marika anterken itoe orang toewa ka roemahnja dan wak+oe marika soeda berlaloeh poela dari sitoe, iboenja Hok ketemoeken salembar oewang kertas doeapoeloeh lima roepia di krosi, di mana tadi Sien Nio doedoek.
Ia kira tentoe itoe oewang djatoh, dan dengen terboeroe-boeroe ia pergi ka roemahnja Tiong Bie pada siapa ia serahken itoe oewang, tapi dengen tertawa Tiong Bie bilang, bahoea ia sengadja tinggalken itoe djoemblah oewang goena membantoe ongkos roemah tangga dari itoe njonja samentara Hok berada dalem roemah sakit.
Iboenja Hok menolak keras, tapi achirnja terpaksa ia moesti trima djoega itoe pembrian, sedeng entjek Tiong Bie mendapet pemandangan sedikit laen dari doeloe tentang kadjoedjoerannja orang-orang miskin.
Begitoelah masing-masing bikin peritoengan, tapi peritoengan jang achir di bikin di depannja hakim.
Semoea orang jang toeroet ambil bagian dalem itoe perklaian dihoekoem denda doeapoeloeh lima roepia, tapi Hok dikasi kabebasan sesoedahnja ia belaken diri dengen bagoes sekali. Ia oendjoek, bahoea djikaloe itoe waktoe ia tida belaken diri, ia bisa dikrojok sampe mati. Tempo hakim njataken, jang ia sendiri poen ada goenaken barang keras seperti sendjata, ia akoeh betoel telah goenaken itoe speda jang soeda djadi ringsek dan berada di roeangan pengadilan sebagi saksi. Tapi itoe sendjata, begitoe ia bilang,ia
