GANDJARAN JANG PANTES
49
tjoema goenaken di waktoe soeda terdesek, dan ia tentoe tida goenaken itoe sendjata, djikaloe itoe waktoe memang ia ada bawa sendjata laen.
Hok dikaloearken dari sekola, begitoepoen moesoehnja, jang moelai itoe waktoe djadi pintjang boeat saoemoer idoepnja, sedeng nnoerid-moerid jang telah toeroet krojok pada Hok, masing-masing dischorst satoe boelan lamanja dari sekola.
VI.
PENGIDOEPAN BAROE.
Moelai itoe waktoe Hok menoentoet pengidoepan baroe. Maskipoen ia merasa sanget menjesel, tapi toch ia tida bisa berboeat satoe apa, waktoe padanja dikasi taoe, bahoea telah diambil poetoesan boeat kalooarken ia dari sekola. Tapi saorang sebagi Hok, biarpoen banjak jang bentji, tapi tida koerang jang merasa soeka padanja. Begitoelah entjek Tiong Bie jang tadinja pandang rendah, mendapet anggepan laen tentang dirinja itoe djedjaka, apapoela waktoe kamoedian ia dapet katerangan, bahoea sabetoelnja itoe orang moeda ada poetranja saorang hartawan jang blakangan djadi miskin lantaran kena tertipoeh oleh orang-orang jang serakah harta doenia. Sering-sering iboenja Hok trima koendjoengannja Sien Nio dan iboenja itoe gadis, dan saben kali marika dateng, tentoe marika bawa makanan atawa laen barang boeat itoe iboe dan anak. Djikaloe kebetoelan itoe gadis dateng, selamanja Hok oendoerken diri, hingga njonja Tiong Bie poen achirnja dapet anggepan baek sekali tentang dirinja itoe orang moeda. Lebih
