— 334 —
tiada dapet taoe boeat perkara apa iaorang moesti brangkat
Kreta jang kadoea ada bawa hertog van Orleans, Grand Mademoiselle istrinja hertog dan padri La Riviere, sobatoja hertog.
Dalem kreta jang katiga ada hertog de Longueville dan prins van Conti, jaitoe soedara dan ipar dari prins van Conde. Ini doea orang toeroen dari kreta dan hampirken kretanja. Radja boeat kasi hormat pada Sri Baginda.
Ratoe Anna awasin kretanja ini doea prins, jang pintoe kretanja masi terboeka, tapi dapet kenjata'an jang dalem itoe kreta tiada ada orang lagi.
,,Tapi di mana adanja njonja de Longueville ?" menanja Ratoe Anna.
,,Sabenernja, di mana adanja akoe poenja ipar?" menanja prins van Conde.
,,Njonja de Longueville koerang senang badan, njonja," djawab hertog, ,,dan ia soeda minta akoe sampeken ia poenja hormat pada Sri Baginda."
Anna van Oostenrijk dengen tjepet menengok awasin moekanja Mazarin jang bales itoe pertanja'an dengen manggoet sakedjep.
,, Apa kau kira dari hal ini perkara?" menanja Ratoe Anna.
,,Ia nanti ditahan oleh pendoedoek kota Parijs," kata Kardinaal.
,,Kenapa ia tiada toeroet?" menanja prins van Conde dengen berbisik pada soedaranja.
-,,Diam! tentoe ada sebabnja."
,,Ia nanti bikin tjilaka pada kita orang," kata prins van Conde dengen menggroetoe.
,,Ia toeloeng kita orang," kata prins van Conti.
