— 335 —
Kreta kreta jang dateng djadi semingkin banjak, dalem mana ada maarschalk de la Meilleraie, maarschalk de Villeroy, Guitaut, Vilequier, Comminges dan laen laen penggawe astana, kamoedian keliatan doea musketier toenggang koeda dengen toentoen doea koeda laen. D’Artagnan dan Porthos naek atas iaorang poenja koeda. Porthos telah gantiken d’Artagnan djadi koesir dari kreta, di mana Radja ada doedoek dan Mousqueton djadi koesir dari kretanja Porthos.
Ratoe Anna tengok kanan Kiri boeat tjari d’artagnan, tapi ini luitenant soeda tiada keliatan, sebagimana biasa ia lantes inget kewadjibannja.
„Mari kita djalan lebi doeloe,* kata d’Artagnan pada Porthos, „dan tjari satoe pembaringan di Saint Germain, di sana tiada satoe orang nanti inget pada kita dan akoe sanget tjape."
„Akoe sanget ngantoek,* kata Porthos, „kerna tiada sekali ada berklaian di perdjalanan. Orang Parijs semoea kerbo."
„Apa itoe perkara boekan kedjadian dari sedab kita poenja tipoe bagies?" kata d’Arnan.
— „Boleh djadi."
— „Begimana adanja dengen kau poenja tangan?"
— „Baek tapi apa kau kira ini sekali kita dapet?"
— „Apa?*
— „Kau poenja pangkat dan akoe poenja gelaran?"
— „Demi kahormatankoe! akoe brani bilang tentoe. Dan djikaloe iaorang loepaken akoe nanti kasi inget itoe perkara."
