— 333 —
,,Corpo di Dio! monsou d'Artagnan," kata Mazarin, kau poenja tipoe ada lebi berharga dari mas!"
___
XXV.
Mazarin ingin brangkat teroes ka Saint Germain, tapi Ratoe Auna kasi taoe maoe toenggoe di itoe tempat orang orang jang soeda dipesen boeat toeroet pergi kaloear dari kota, tjoema Kardinaal boleh pinda ka tempatnja Laporte.
Hal di Parijs rame tersiar kabar jang Radja maoe dibawa kaloear kota itoe malem, lantarannja begini: pada djem poekoel anem sore kira kira doeablas orang soeda dikasi taoe Ratoe Anna poenja niatan, dan maski begimana dengen resia djoega itoe kabar soeda disampeken, orang orang jang maoe toeroet pergi tiada bisa bikin persedia'an dengen tiada orang dapet taoe itoe perkara. Dan lantaran orang Boeda doega Ratoe Anna kaloear kota dengen nia'an boeat bales sakit hati pada pendoedoek Parijs, maka masing masing jang diadjak pergi telah kasi taoe lagi dengen resia pada iaorang poenja familie atawa sobat, hingga tiada lama poela soeda banjak orang dapet taoe itoe perkara. Lantaran ada tersiar itoe kabar dan pendjaga pintoe kota jang dapet loska soeda rapport satoe kreta jang ditoetoep rapet soeda kaloear kota, orang doega jang dalem itoe kreta Radja soeda brangkat dari Parijs.
Sa'abisnja Ratoe Anna sampe di Cours la Reine, kreta jang pertama sampe ada kretanja toean prins, dalem mana ada prins van Conde, ia poenja iboe dan istri. Ini doea njonja telah dikasi bangoen pada waktoe tenga malem dengen
Doeapoeloe taon blakangan
42
