— 325 —
Itoe koetika ada kadengeran soeara sanget rias ketioep angin masoek dalem astana, tapi dengen kaget itoe soeara padem sama sekali.
,,Denger Srl Baginda, "kata d’Artagnan, ,orang soeda kasi ase jang Sri Baginda lagi tidoer; itoe soeara riboet lantes diam, Sri Baginda bisa dapet kenjata'an jang Sri Baginda masi djadi Radja."
Dengen bengong Ratoe Anna awasin d’Artagnan jang dengen hati taba kasi nasehat pada Radjanja, kerna dari tingka lakoenja orang bisa dapet kenjata’an jang ini officler boekan sadja saorang gaga, tapi sanget tjerdik dan aloes tingka lakoenja.
Laporte dateng masoek
,,Apa Kabar, Laporte?" menanja Ratoe Anna.
— ,Njonja, apa jang toean d’Artagnan soeda doega, telah kedjadian. Itoe soeara riboet lantes djadi padem. Pintoe hek lagi diboeka dan lima minuut lagi iaorang nanti ada di sini.*
,,Laporte," kata Ratoe Anna, ,djikaloe kau poenija poetra ditaro ditaro di pembaringannja Radja, kita lantes boleh brangkat."
,,Djikaloe Sri Baginda soeda prenta begitoe, boekan sadja akee poenja poetra, tapi akoe sendiri djoega sedia boeat djalanken itoe prenta."
,,Djangan, djangan!‘ berseroe d’Artagnan, kerna djikaloe satoe orang sadja kenalken ia poenja Radja ini perkara djadi Kepiran sama sekali.“
,,Apa jang kau bilang betoel adanja, kau selamanja betoel,“ kata Anna Van Oostenrijk ; ,,Laporte bawa Radja ka pembaringannja."
Laporte angkat Radja Lodewijk ka pembaringannja dan toetoep badannja dengen slimoet.
Doeapoeloe Taon Blakangan
41
