— 324 —
anak jang lantes diam apabila di oempak. Djikaloe iaorang dapet liat Radjanja tidoer, iaorang nanti djadi djinek sebagi anak kambing.“
„Pergi, Laporte,“ kata Ratoe Aona.
Radja hampirken iboenja.
„Kenapa kita moesti toeroet apa itoe orang banjak maoe ?“ menanja Radja.
Moestinja begitoe, anakkoe“ kata Anna van Oostenrijk.
— „Djikaloe begitoe akoe boekan djadi Radja lagi, maka orang brani bilang moesti begitoe?“
Ratoe Anne tiada bisa djawab satoe apa.
„Sri Baginda,“ kata d’Artagnan, „apa Sri Baginda soeka kasi idzin akoe bikin satoe pertanja’an ?“
Radja Lodewijk menengok dengen goesar dan heran jang orang brani bitjara lebi doeloe padanje. Ratoe Anna jang dapet liat itoe perkara pegeng tangan anaknja dengen sedikit kras.
„Ja,toean,“ kata Radja.
— „Apa Sri Baginda inget pada waktoe maen maen di kebon dari astana di Fontainebleau atawa di Versailles, kadang kadang dengen kaget hawa oedara djadi glap dan ada kadengeran soeara gloedoek ?“
— „Ja, tentoe akoe inget.“
— „Djikaloe ada kedjadian begitoe roepa, maski Sri Baginda masi ingin maen maen, itoe soeara goentoer bilang: masoek Sri Baginda moestinja begitoe.“
— „Betoel begitoe, toean, tapi orang soeda adjar pada akoe jang itoe soeara goentoer ada soearanja Allah.“
— „Tjoba Sri Baginda sokarang denger biar betoel itoe soeara riboet di loear, betoel ampir sama dengen soeara goentoer.“
