— 29 —
„Menjaoet, toean!“ kata de Guiche, „orang soeda tanja Kau dengen hormat dan tiap tiap pertanja’an haroes didjawab."
— „Menoeroet akoe poenja pikiran akoe ada merdika boeat Kasi taoe atawa tiada oesa djawab pada sembarang orang jang soeka tanja sadja pada akoe.
De Guiche soeda djadi sanget mara, tapi ia tahban sebrapa boleh dan Kata:
„Pertama kita boekan sembarang orang; akoe poenja sobat ada burggraaf de Bragelonne dan akoe ada graaf de Guiche. Laen dari itoe kita boekan tanja kau boeat maen maen, Kerna tiada djaoe dari sini ada satoe orang jang ampir poetoes djiwanja dan ingin satoe padri dateng padanja Djikaloe kau ada satoe padri, itoe ada laen perkara, tapi akoe berdjandji lebi doeloe, nanti kasi. kau pladjaran pantes boeat kau poenja kelakoean baroesan.“
„lni orang tentoe ada satoe mata mata orang Spanjol," Kata Raoul dalem hatinja, sedeng ia poenja tangan pegang pistoolnja.
Koetika dapet liat Raoul poenja kelakoean matanja itoe orang mengkilap sakedjep sebagi kilap.
„Begimana, toean,“ menanja de Guiche lagi, „apa kau soeka menjaoet ?”
„Akoe ada satoe padri, toean toean," menjaoet itoe orang.
„Djikaloe begitoe,“ kata Raoul dengen kasi masoek lagi pistolnja dan dengen swara manis, tapi dalem hatinja masi bentji pada itoe orang, „djikaloe kau ada satoe padri, sebagimana akoe poenja sobat baroesan soeda bilang, ada satoe hal,di mana kau boleh djalanken kau poenja pakerdja’an; saorang jang dapet loeka lagi
