— 11 —
t'ada lama poela itoe koeda dapet indjek pasir.
„Ke‘oeloengan !” treak itoe orang jang ramboetnja poeti, kerna ia djoega soeda berdiri di tempat jang tiada dalem lagi.
„Ke‘oeloengan !” kata itoe orang moeda dengen swara plahan, ia lepas dirinja dari ia poenja Koeda dan boeroe serta peloek pada Raoul.
Itoe Koetika iaorang soeda tinggal sapoeloe tindak lagi djaoenja dari tepi soengi ; Raoul pondong itoe anak moeda sampe di satoe tempat kring dan rebaken itoe orang di atas roempoet dan lantes boekaken ia poenja leher badjoe dan kantjing dari djasnja.
Satoe minuut Kamoedian itoe orang toea djoega sampe.
Olivain ioe biarken sadja koedanja bawa padanja djoega soeda sampe di sebrang, kerna itoe koeda asalnja dari istalnja grast de la Fere, djadi soeda dapet djoega pladjarannja boeat menjebrang soengi, sedeng orang orang jang ada di atas praoe soeda tjoba dajoeng praoenja ka pinggir dengen sapotong papan jang kabetoelan ada di dalem itoe praoe.
Dengen pertoeloengannja Raoul dan itoe orang penganternja itoe orang moeda sigra itoe orang bangsawan djadi sedar kombali dan matanja awasin kanan kiri sampe ia dapet liat pada Raoul.
„O! toean!” ia kata, „kau jang akoe tiari, djikaloe kau tiada dateng menoeloeng, tentoe akoe soeda binasa.”
„Tapi kau dapet kenjata’an, orang bisa bangoen kombali dari tempat kematian, toean,” Kata Raoul, „ini perkara tiada djadi apa, tjoema kita dapet mandi sadja.”
