— 10 —
lompat dari praoe dan bernang menoedjoe pada jang ampir kalelap, tapi sebab ia moesti lawan aer, ia tjoema madjoe sedikit sadja.
Raoul semingkin lama dateng semingkin deket pada itoe orang, tapi ia liat itoe orang dengen koedanja, jang ia tiada brentinja awasin soeda djadi semingkin dalem, dari koeda tjoema keliatan idoengja sadja, sedeng orangnja jang soeda terlepas dari koeda keliatan angkat tangannja dan dongaken kepalanja keblakang. Lagi satoe minuut radja dan itoe orang tentoe soeda tiada bisa ditoeloeng lagi.
„Tabaken kau poenja hati,“ kata Raoul.
„Kelatan!" kata itoe anak moeda dengen swara dalem.
Aer berombak liwat kepalanja itoe anak moeda dan bikin ilang ia poenja swara.
Raoul lepasken dirinja dari ates koeda dan dengen bebrapa kali endjot ja bernang sampe di moekanja koeda jang ampir kelelap ; koedanja sendiri ia biarken sadja, Raoul pegang itoe koeda di djanggoetnja dan angkat kepalanja ; ini koeda djadi dapet napas lagi dan sebagi ia mengerti, orang dateng toeloeng padanja, lantes ia berdaja boeat bernang lagi. Dengen sebla tangannja Raoul rambet itoe orang moeda jang ia tarik deket pada koedanja serta kasi pegang sesoerinja koeda, jang itoe anak moeda lantes tjengkerem dengen kras sebagi orang jang maoe kalelap. Sasoedanja dapet kenjata’an, ini orang moeda tiada nanti lepas koedanja, Raoul lantes toeloeng lagi itoe koeda dengen bantoe angkat kepalanja ditoedjoeken ka djoeroesan sebrang dari itoe soengi, sedeng dengen lidanja ia kasi swara boeat angsiken itoe koeda.
Kaget keliatannja itoe koeda kesandoeng dan
