ADA DOEA
„Sekarang kaoe berdoea tentoe tida nanti bertengkaran lagi,” bagitoe mendadak terdengar soearanja Tjin-tek di blakang itoe doea djedjaka. Tapi apakah kaoe masing-masing bisa bilang, siapa jang djadi kaoe poenja toendangan ?”
Liang-hoen dan Kim-djin. saling pandang, dan kamoedian tertawa.
„Engko Tjin-tek,” kata Kim-djin, „kenapa kaoe tida kasi taoe lebi siang padakoe, jang kaoe poenja doea soedara prampoean ? Boekankah bisa ditjegah itoe pertengkaran dengen Liang-hoen. jang roepanja soeda djadi marah besar ?“
Tjin-tek tertawa sadja,
„Akoe kira, sampe sekarang kaoe berdoea masi belon bisa bilang jang mana masing-masing poenja toendangan, Tapi soedalah, djikaloe. soeda menikah tentoe kenalin,” kata ia blakangan.
Lantaran sekarang marika soeda dapet taoe doedoeknja perkara, marika berpamitan. Tapi sesampenja di loear Kim-djin berkata :
„Akoe harep kaoe poelang doeloe, Hoen; akoe hendak bertemoe doeloe dengen itoe entjim.”
„Baek, Dijin, sampe katemoe lagi!”
Kim-djin. masoek lagi. Ja hampiri Tjin-tek.
„Akoe. ingin bertemoe, dengen, entjim,“ kata ia, „akoe dengar ia soeda poelang.”
90
