ADA DOEA
„Masoek sadja,” djawab Tjin-tek.
Di dalem roemah, tinggal Kim-djin bertemoe dengen salah satoe dari itoe doea gadis. Sekarang ia bersangsi, kerna ia koeatir jang berada di depannja ada Seng-nio, toendangannja Liang-hoen. la djadi kikoek, tapi soekoer sekali itoe gadis hampiri padanja.
„Akoe Siok-nio, engko Kim-djin,” bagitoe ia berbisik sambil bersenjoem, „dan soepaja laen kali kaoe tida djadi kliroe dengen akoe poenja soedara kembar, nih, kenalin akoe poenja tanda; Seng-nio tida poenja tanda bagitoe.”
„Trima kasi, Siok, Liang-hoen akoe kira tida nanti bisa bagitoe gampang kenalin toendangannja, sebab ia belon taoe adanja itoe tanda. Tapi apa akoe boleh bertemoe dengen entjim ?”
„Boleh, nanti akoe toeloeng panggil.”
Siok-nio tinggalken toendangannja dan tida lama kamoedian ia poenja iboe moentjoel. Kim-djin membri hormat dan itoe orang toewa berkata sambil tertawa:
„Soeda, ‘bah Kim-djin, entjim soeda taoe ! Kaoe tida perloe boeka soeara lagi. Entjim trima kaoe poenja lamaran dan harep sadja kaoe nanti hidoep roekoen dan beroentoeng dengen Siok-nio. Tjoema akoe maoe madjoeken satoe perdjandjian: apakah kaoe moefakat, djikaloe soeda menikah kaoe tinggal di sini ? Seng-nio bakal tinggal sama
91
