SATOE GIRANG, SATOE SEDIH.
djaga betoel ia poenja roemah, kerna ia hendak bikin perdjalanan tiga hari lamanja.
Dengen sewa satoe taxi Kim-djin pergi ka Bogor. Di sana ia menginap di satoe hotel jang terkenal, tapi satoe hari teroes ia diam sadja dalem kamarnja. Besoknja ada hari Minggoe dan Sesoedanja bersantap di waktoe pagi, ia laloe ambil topinja dan toedjoeken tindakan ka kebon besar. Di pintoe boeat masoek dalem itoe kebon jang termashoer ia beli satoe toengkat rotan dan landjoetken perdjalanannja. Hawa jang sedjoek, pemandangan jang bagoes, memboeka djoega hatinja jang pepat.
Kim-djin djalan-djalan dengen pelahan dan taro perhatian pada segala poehoen dan kembang jang ia liwatin. Dengen berboeat bagitoe, ia harep bisa loepaken itoe hal jang ada menggandjel ia poenja hati. la djalan boelak-belok dan salaloe membiloek djikaloe katemoe dijalan tjagak. Lantaran itoe djoega bebrapa kalih ja djadi masoek dalem djalanan boentoe dan moesti balik lagi. Blakangan ia katemoeken bangkoe. Di sitoe ia doedoek kira-kira Saprapat djam lamanja, dan djalan lagi.
Semangkin siang, keadaiin dalem itoe kebon djadi semangkin rame. Orang jang djalan-djalan djadi semangkin banjak, dan tentoe sadja Kim-djin poen ada perhatiken djoega pada marika. Achirnja ia sampe di
70
